A relación entre as herbas e a cultura do barro é o fío condutor dunha actividade interxeneracional senlleira na que participan persoas de máis de 65 anos e escolares. Estes días estiveron no colexio de Nós, na primeira das sesións previstas polo Concello.
Primeiro na aula, as participantes no obradoiro municipal Oleiros na Memoria impartiron a sesión nunha dinámica de grupo, que foi seguida doutra clase sobre o mundo da olería. As herbas da primavera e San Xoán, como localizalas, traballalas segundo a forma, a textura e a cor, identificar as flores de cada unha, as súas utilidades, as lendas de San Xoán son contidos que se mesturan coa experiencia do barro, a través dunha actividade denominada “de transferencia” do barro, que consiste en “traducir” determinadas formas a este material para obter un obxecto determinado.
A actividade realízase a través dos Servizos Sociais do Concello, dentro dos programas de envellecemento activo para as persoas maiores de 65 anos.
Deja un comentario
Lo siento, debes estar conectado para publicar un comentario.